AQShning Eronga qarshi harbiy operatsiyasi Amerika budjetiga 27 mlrd dollardan ortiqroqqa tushdi, deb xabar bermoqda OAV Pentagon ma’lumotlariga tayanib.
Tahlilchilarning hisob-kitoblariga ko‘ra, urushning dastlabki olti kuni 11,3 mlrd dollarga tushgan bo‘lsa, keyingi har bir kun uchun 1 mlrd dollar sarflangan – bu soatiga 41,7 mln dollarga to‘g‘ri keladi.
Ushbu hisob-kitoblarga harbiy kuchlarni joylashtirish va harbiy texnikalarni almashtirish kabi xarajatlar kiritilmagan.
Ekspertlarning qayd etishicha, operatsiya xarajatlari dastlab taxmin qilingan ko‘rsatkichdan allaqachon oshib ketgan va oshishda davom etmoqda.
