Milliy statistika qo‘mitasi ma’lum qilishicha, joriy yilning birinchi yarmida O‘zbekistonga turistik maqsadlarda 6 million 565 ming 410 nafar chet el fuqarosi kelgan.

Hisobot davrida mamlakatga jami 205 ta davlat fuqarolari tashrif buyurgan.

Jinsi bo‘yicha tahlil qilinganda, turistlarning 3 million 627 ming 564 nafari erkaklar, 2 million 937 ming 846 nafari esa ayollar ekani qayd etilgan.

Yosh toifalari kesimida esa eng katta ulushni 31–55 yosh oralig‘idagi turistlar tashkil etgan. Bu toifadagi mehmonlar soni 3 million 390 ming 402 nafarga yetgan.

Shuningdek:

  • 0–18 yosh - 777 ming 620 nafar;
  • 19–30 yosh - 1 million 89 ming 647 nafar;
  • 56 yosh va undan kattalar - 1 million 307 ming 741 nafarni tashkil etgan.

Keltirilgan ma’lumotlar O‘zbekistonga tashrif buyurayotgan xorijiy sayyohlar orasida mehnatga layoqatli va faol yoshdagi fuqarolar ulushi yuqori ekanini ko‘rsatmoqda.