21 iyul kuni soat 04:30 atrofida A-373 avtomobil yo‘lining Qamchiq dovonidan o‘tgan qismida, Toshkent–Vodiy yo‘nalishida harakatlanayotgan Isuzu rusumli yuk avtomobili haydovchisi boshqaruvni yo‘qotishi oqibatida mashina yo‘lning xandaq qismiga tushib ketdi.
Hodisa haqidagi xabar «Qamchiq» maxsus qutqaruv boshqarmasiga kelib tushgach, Favqulodda vaziyatlar vazirligi qutqaruvchilari zudlik bilan voqea joyiga yetib bordi.
Qutqaruvchilar maxsus texnikalar yordamida yuk avtomobilini xandaqdan chiqarib, xavfsiz hududga olib o‘tdi.
FVV ma’lum qilishicha, hodisa oqibatida tan jarohati olganlar qayd etilmagan.
