Favqulodda vaziyatlar vazirligi ma’lum qilishicha, hodisa 24 iyul kuni soat 11:50 atrofida A-373 avtomobil yo‘lining Qamchiq dovonidan o‘tgan qismida, Toshkent – Vodiy yo‘nalishida sodir bo‘lgan.
Dastlabki ma’lumotlarga ko‘ra, yuk avtomobili haydovchisi boshqaruvni yo‘qotgani oqibatida transport vositasi yo‘lning xandaq (kyuvet) qismiga tushib ketgan.
Xabar kelib tushgach, «Qamchiq» maxsus qutqaruv boshqarmasi qutqaruvchilari voqea joyiga yetib borib, maxsus texnikalar yordamida avtomobilni xavfsiz hududga olib chiqqan.
Ma’lum qilinishicha, hodisa oqibatida tan jarohati olganlar yo‘q.
