Ma’lum qilinishicha, E-inspector axborot dasturiy kompleksi davlat nazorati inspektorlari uchun yanada qulay, sodda va takomillashgan ko‘rinishda qayta ishlab chiqildi.
Tizimni respublika miqyosida joriy etish arafasida hududlardan jalb etilgan mutaxassislar ishtirokida dastlabki o‘quv seminari tashkil etildi.
Seminar davomida ishtirokchilarga tizimdan amaliyotda to‘g‘ri foydalanish tartibi, unga kiritilgan o‘zgartirish va qo‘shimchalar, yangi imkoniyatlar, raqamlashtirilayotgan hujjatlar, nazorat-kuzatuv ishlari, avtomatik ro‘yxatga olish hamda mahallalarni toifalarga ajratish modullari bo‘yicha tushuntirishlar berilmoqda.
Shuningdek, mutaxassislarning taklif va mulohazalari muhokama qilinib, tizimni yanada takomillashtirish yuzasidan fikr almashilmoqda. O‘quv seminari davom etmoqda.
