O‘zbekistonda mahalliy korxonalarni kapital bozoriga olib chiqish uchun nufuzli investitsiya banklari bilan akseleratsiya dasturi yo‘lga qo‘yiladi.
Prezident Shavkat Mirziyoyevning ma’lum qilishicha, har yili daromadi 1 trillion so‘mdan yuqori bo‘lgan 50 ta korxona tanlab olinadi.
Ularni IPO'ga tayyorlash, hisobotlarini xalqaro standartlarga moslashtirish xarajatining yarmi qoplanadi. Bu – xususiy korxonalarga chetdan yiliga kamida 1 milliard dollar jalb qilish imkonini beradi.
Davlat rahbariga ko‘ra, joriy yil ilk bor 13 ta strategik kompaniya aktiviga ega Milliy investitsiya jamg‘armasining 30 foiz ulushi Toshkent va London fond birjalariga chiqarilishi xususiy sektor uchun ham tashqi kapital bozorlarga yo‘l ochgan.
