Adliya vazirligi soliq hisoboti şakllariga özgartiriş va qöşimçalar kiritişga oid idoraviy hujjatni davlat röyxatidan ötkazdi. Hujjat 2026-yil 5-noyabrda 3221-10-son bilan röyxatga olingan.
Hujjatga muvofiq, maʼnan eskirgan ayrim talablar bekor qilindi.
Xususan, soliq davri tugaganidan keyingi oyning 15-kuniga qadar tovarlar va xizmatlar böyiça hisobvaraq-fakturalar reyestrlarini qoğozga çiqariş, varaqlarini raqamlaş, tikiş va muhrlaş talabi bekor qilindi.
Şuningdek, elektron şaklda yuritiladigan reyestrlarning qöşimça varaqlarini çop etib, tegişli soliq davri reyestrlariga ilova qiliş majburiyati ham olib taşlandi.
Ayrim tadbirkorlar uçun soliq hisoblaşning soddalaştirilgan tartibi böyiça hisobot şakllari ham tasdiqlandi.
Uşbu şakllarni taqdim etiş orqali asosiy faoliyati umumiy ovqatlaniş, savdo yoki xizmat körsatiş bölgan tadbirkorlik subyektlariga belgilangan şartlar asosida quyidagi stavkalar qöllanişi mumkin:
- Qöşilgan qiymat soliği (QQS) - 6 foiz. Bu stavka tovarlar va xizmatlarni realizatsiya qiliş böyiça barça aylanmalarga nisbatan qöllanadi.
- Foyda soliği - 0 foiz.
Bundan taşqari, yuridik şaxslardan olinadigan yer soliği hisoboti şakliga «Soliq solinadigan baza» va «Samarasiz foydalanişdagi yerlar» bölimlari qöşildi.
