San’atbek Salayev Xorazm viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimini tark etdi.
U 2018-yildan buyon viloyat hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimida ishlab kelayotgandi.
Uning o‘rniga Sherzod Berdiyev Xorazm viloyati hokimining yangi o‘rinbosari etib tayinlandi.
Berdiyev ushbu tayinlovga qadar Ijtimoiy himoya milliy agentligining Xorazm viloyati boshqarmasi boshlig‘i lavozimida ishlab kelgan.
Shuningdek, Xorazm viloyati Gurlan tumani hokimi Ruslan O‘razbayev ham ishdan olingan. U tumanga 2024-yil avgustidan buyon rahbarlik qilayotgandi.
Uning o‘rniga Odilbek Artiqov Gurlan tumani hokimi lavozimiga tasdiqlandi.
U hozirga qadar O‘zbekiston mahallalar uyushmasi Xorazm viloyati boshqarmasi boshlig‘i lavozimida ishlab kelgan.
