“Ayollar bor ham demadi” – Nurafshon yoshlar bo‘limi boshlig‘i xodimlarini haqoratladi (audio)
|15:22 / 20.08.202638 6217 min
Kun.uz'ga Yoshlar ishlari agentligi Nurafshon shahar bo‘limi boshlig‘i Mirkarim Ahmadjonovga oid audioyozuv kelib tushdi. Unda davlat xizmatchisi majlis o‘tkazayotgani, qo‘l ostidagi xodimlar va yoshlar yetakchilarini so‘kayotgani eshitiladi. Haqoratlar yangrayotgan auditoriyada ayollar ham bo‘lgan.
Kun.uz'ga bog‘lanib, shaxsi sir qolish sharti bilan ma’lumot ulashgan manbaning aytishicha, 19-avgust kuni Nurafshon shahar bo‘limi boshlig‘i Mirkarim Ahmadjonov yig‘ilish o‘tkazib, unda qo‘l ostidagi xodimlar hamda yoshlar yetakchilarini kurakda turmaydigan so‘zlar bilan haqorat qilgan.
Toshkent viloyat hokimligi vakili biz bilan suhbatda ushbu ovoz Yoshlar ishlari agentligi Nurafshon shahar bo‘limi boshlig‘i Mirkarim Axmadjonovga tegishli ekanini tasdiqladi.
Yoshlar ishlari agentligi Kun.uz so‘roviga javoban audioyozuv yuzasidan o‘rganish boshlanganini ma’lum qildi. Ko‘p o‘tmay, Ahmadjonov ishdan olingani ma’lum qilindi.
E’tiborlisi, rahbar yig‘ilishda ayollar ham bo‘lganiga qarab o‘tirmagan. Xodimlardan birining ayollarni chiqarib yuborish haqidagi taklifini esa rad etgan. Quyida suhbat stenogramma uyatli so‘zlarsiz keltirib o‘tiladi.
- Kecha telefon qilgan paytingiz “srochno” uydan telefon bo‘lib qoldi.
- San … … Telefondan qaytib chiqmaysanmi san bola? Eslolmayapsanmi, eslatib qo‘yaymi sanga, qaytib chiqmaysan telefon qilganda. … ... agar hammangni... bittalab ... lyuboyingga chiqqin. Lyuboyingga chiq!
- Bitta gap aytsam bo‘ladimi? Qizlar chiqib tursa bo‘ladimi?
- Turaversin qizlar. Nechchida keldilaring sanlar? Man nechchida kirib ketdim uyoqqa?
- 5:30 midi, 15 ta kam 5 midi… Boshqa qaytarilmaydi…
- Yo‘q, bundoq mahallangda nimadir qoyillatib qo‘ygan bo‘lsalaring ham mayli-da. … … narsa-da: kunlik ma’lumotni rasm olasan, bergan jadvalga shuni qo‘yib berasan, hokim yordamchisi bilan xotin-qizlar orqasidan o‘tkazib qo‘yasan bo‘ldi, bular bir soatlik ish man uchun. Bir soatda qilib tashlayman bu ma’lumotlarning hammasini.
Manga ham kerak emas sanlarni mana bu yerga yig‘ib olib. Sanlar tushunmayapsanlar, o‘shaning uchun yig‘dim. Bo‘lmasa mahallangni ishini qilganlaring yaxshi-yu manga. Bir oydan beri aytaman, Namangan tajribasi deb, birortang tushunmaysanlar. To‘rtta mahalla … Oldin osh berib qo‘ygansan bo‘ldi-da, muammoli oshni. Sanlarga yoqvottimi, shunaqa sassiq gap yoqvottimi sanlarga? Ikki soat oldin aytsam, yarim soat kech kelasanlar ... Birortangni gapirayotganim yo‘q, mana, yarim soat kech kelganlaring.
San-chi, Ro‘zimatilla? Yaxshilikka osh-posh qilib javob beryapsanmi san manga?
Mavzuga oid
- Nega? Man kecha lekin “srochno” ketib qoldim. Bu yerga keldim, 7 da ketdim, dori olib borishim kerak edi. Bolalarga aytib ketdim.
- Sanga nima, bolalar xo‘jayinmi bu yerda?
- Yo‘q, siz yig‘ilishda edingiz. Uydagilar telefon qildi, dori olib kel tezroq deb, olib bordim keyin.
- Ishlaring chiqsa, manga telefon qilib, SMS yozib qo‘yasanlar-ku, bunaqa paytda eslaringdan chiqib qoladimi sanlarni, a? Siz-chi?
- Man SMS yozgandim, javob bermadingiz. Biz soat 7 larda oshganda ketdik bu yerdan.
- Ishga kirayotganlaringda ishlayman, olib boraman deganmisizlar, oilaviy muammo demaganmisizlar? Maftuna, sizga ham tegishli, shunaqa demaganmisizlar?
San-chi? Sani umuman topib bo‘lmaydi. “Rahbarim qattiqqo‘llik qivotti manga, shu munosabat bilan arizamni yozaman” deb yoz. Mana, yoz.
- Bo‘ldi, boshqa qaytarilmaydi. Vaziyat shunaqa bo‘lib qoldi-da, eng qizig‘i, yana hammaga shunaqa to‘g‘ri kelib qoldi.
- E, vaziyating bo‘lsa, telefon qilasan manga, manga kiydirmagin unaqa vaziyatingni. Tushundingmi? Yoz, Otajon. Yoqmayaptimi ish?
- A boshqa payt ishlayapmiz-ku, boshqa paytdagi bilinmayapti.
- Qaysi? Qaysi?
- Soat to‘qqizgacha ham yuribmiz-ku.
- Qayerda to‘qqizgacha yuribsiz?
- Kechadan oldingi kun to‘qqizgacha yurdik-ku yoningizda, o‘sha aytganingiz uchun. Endi kecha bitta ketib qolganimizga shu bilinib ketvottimi hozir?
- Qaysi to‘qqizgacha? Hasharni aytyapsizmi?
- Ha, hasharni aytyapman.
- Hashar man uchunmi?
- Nima farqi bor, sizni yoningizda hammamiz yuribmiz-ku siz aytganingiz uchun, bir og‘iz aytgan gapingizga.
- Hozir sizlar xavfsizlik aytganini mening anaqamga yo‘yayapsizlarmi?
- Nima farqi bor, sizni yoningizda turibmiz-ku biz, siz bizning boshlig‘imiz bo‘lganingiz uchun. Endi unaqa bo‘lmaydi-da, undan tashqari ham turibmiz. Man gapirsam hozir talashayotgan bo‘laman, to‘g‘ri. Lekin qachon aytsangiz yoningizda turibmiz-ku, yo turmayapmizmi?
- E, qoyillatvotti-da ko‘pchiliklaring.
- Qo‘yavering endi, bir martaga bo‘lsa hech narsa qilmaydi-ku.
- Nega qo‘yaman, nega qo‘yaman? Man ertalab hayfsan oldim, qaysi biring turib berasan manga shu yerda? Qani, qay biring turib berasan? Turib berasanmi? Qani, marding bormi turib beradigan manga ertalabda? Gapir! Ertalab hayfsan oldim hokimdan. Bormi marding mana shu yerda turib beradigan manga? Og‘zingni ko‘pirtirib gapirasanlar manga bitta-bitta ... …
Ishlayotgan bo‘lsalaring, o‘zing uchun ishlayapsan, man uchun ishlayotganlaring yo‘q bu yerda. Manam oilam uchun ishlayapman, sanam o‘zlaring oilang uchun ishlayapsanlar. Xuddi maning qornim uchun ishlayotganday gapirasanlar … Hali ham kech emas, mana. Bo‘ldi, yoqmayotgan bo‘lsa qo‘y, yozlaring qo‘y. Man shunday aytaman, vakantim shuncha deyman. Boya hokim aytdi: “Nechta xodiming bor?” dedi. “Bir o‘zimman” dedim, “mutaxassisim ham yo‘q” dedim. “Demak, yetakchilaring bilan gaplashmayapsan” dedi. Mana, Javohir aka turibdi o‘sha yerda. “Shug‘ullanmayapsan” dedi
