Polkovnik Abdumajid Mavlonovich Shermuhammadov Andijon viloyati ichki ishlar boshqarmasi boshligʻi lavozimiga tayinlandi. Bu haqda Ichki ishlar vazirligi xabar berdi.
Polkovnik tayinlovga qadar 2025-yil mart oyidan beri Xorazm viloyati ichki ishlar boshqarmasi boshligʻi vazifasida ishlagan.
Shermuhammadov Xorazm IIB rahbari lavozimiga oʻtguncha Toshkent shahri Yunusobod tumani ichki ishlar organlari faoliyatini muvofiqlashtirish boshqarmasi boshligʻi lavozimida ham faoliyat yuritgan.
