Milliy statistika qoʻmitasi maʼlumotlariga koʻra, joriy yilning yanvar–iyul oylarida mamlakatda bozor xizmatlari hajmi oʻtgan yilning mos davriga nisbatan real hisobda 16,7 foizga oshgan.
Xizmat turlari kesimida savdo xizmatlari 202 trln soʻmlik koʻrsatkich bilan birinchi oʻrinni egalladi.
Keyingi oʻrinlarda yashash va ovqatlanish xizmatlari - 149,7 trln soʻm, moliyaviy xizmatlar - 125,8 trln soʻm hamda transport xizmatlari - 121,5 trln soʻm bilan qayd etildi.
Aloqa va axborotlashtirish sohasida 61,6 trln soʻmlik, taʼlim sohasida 27,2 trln soʻmlik, koʻchmas mulk bilan bogʻliq sohada esa 19,4 trln soʻmlik xizmatlar koʻrsatilgan.
Shuningdek, shaxsiy xizmatlar hajmi 14,1 trln soʻmni, sogʻliqni saqlash sohasidagi xizmatlar 13,9 trln soʻmni tashkil etgan.
Meʼmorchilik, muhandislik izlanishlari, texnik sinov va tahlil sohasida 10,7 trln soʻmlik, kompyuterlar va maishiy tovarlarni taʼmirlash boʻyicha 9,2 trln soʻmlik, ijara sohasida esa 9 trln soʻmlik xizmatlar koʻrsatilgan.
Boshqa turdagi xizmatlar hajmi 38,3 trln soʻmni tashkil etgan.
