Milliy statistika qoʻmitasining dastlabki maʼlumotlariga koʻra, 2026-yilning yanvar–iyun oylarida Oʻzbekistonda aholi jon boshiga yalpi ichki mahsulot (YAIM) hajmi 27 mln 950,1 ming soʻmga yetgan.
Qayd etilishicha, mazkur koʻrsatkich 2025-yilning yanvar–iyun oylariga nisbatan real hisobda 6,6 foizga oshgan.
Statistika soʻnggi yillarda aholi jon boshiga toʻgʻri keladigan YaIMning nominal hajmi muntazam oʻsib borayotganini koʻrsatmoqda.
Xususan, yanvar–iyun oylari yakunlari boʻyicha aholi jon boshiga YAIM:
- 2022-yilda - 12 mln 458,1 ming soʻm;
- 2023-yilda - 14 mln 576,7 ming soʻm;
- 2024-yilda - 18 mln 126 ming soʻm;
- 2025-yilda - 23 mln 890,2 ming soʻm;
- 2026-yilda - 27 mln 950,1 ming soʻmni tashkil etgan.
Shu tariqa, nominal koʻrsatkich 2022-yilning birinchi yarmidagi 12,46 mln soʻmdan 2026-yilning mos davrida qariyb 28 mln soʻmga yetgan.
