Dam olish kunlari Oʻzbekiston boʻyicha havo asosan kam bulutli boʻladi, yogʻingarchilik kutilmaydi, deya xabar bermoqda Oʻzgidromet.
Juma kunduzi Oʻzbekiston hududining katta qismida quruq ob-havo boʻlishi kuzatiladi. Faqat Orolboʻyida va Toshkent viloyatida ayrim joylarda qisqa muddatli yomgʻir yogʻishi mumkin. Havo harorati +32…+35 daraja, respublika shimoli-gʻarbida +23…+28 daraja atrofida boʻladi.
Shanba-yakshanba kunlari havo harorati biroz pasayadi va kunduz kunlari +25…+30 darajani tashkil etadi, baʼzi joylarda +32 darajagacha, janubda +35 darajagacha boʻlishi kutilmoqda.
Shamol 7−12 metr/soniya tezlikda esadi, 11−12-sentabrda respublika boʻyicha baʼzi joylarda shamol tezligi 13−18 metr/soniyagacha kuchayishi, ayrim joylarda chang-toʻzonlar bilan kuzatilishi mumkin.
Oʻzbekistonning togʻli hududlarida 11−12-sentabr kunlari baʼzi joylarda qisqa muddatli yomgʻir yogʻishi mumkin, 13-sentabrda yogʻingarchilik kutilmaydi.
Toshkent shahrida juma kunining birinchi yarmida biroz qisqa muddatli yomgʻir yogʻishi mumkin. Harorat +33…+35 daraja boʻladi.
Dam olish kunlari havo asosan kam bulutli boʻladi, yogʻingarchilik kutilmaydi. Harorat kechalari +16…+18 daraja, kunduzi shanba kuni +28…+30 daraja, yakshanba kuni +30…+32 daraja boʻladi. Shamol sharqdan 5−10 metr/soniya tezlikda esadi.
