«Yashil makon» umummilliy loyihasini amalga oshirishda mahallalar rolini kuchaytirish va hududlarning yashillik darajasini tubdan oshirishga doir chora-tadbirlar toʻgʻrisida»gi prezident farmoni qabul qilindi.
Farmonga koʻra, 2026-yil 1-oktabrdan respublikada tozalik va ozodalik dolzarb 2 oyligi oʻtkaziladi.
2026-yil 1-oktabrdan boshlab yashil hududlar joylashuvini aniqlash, yerlarni tayyorlash, koʻchat va butalar zaxirasini yaratish choralari koʻriladi.
Koʻchat va butalarni ekish mavsumi:
2026-yil 1 noyabrdan Qoraqalpogʻiston Respublikasi va Xorazm viloyatida;
2026-yil 5-noyabrdan Buxoro va Navoiy viloyatlarida;
2026-yil 10-noyabrdan Andijon, Jizzax, Samarqand, Sirdaryo, Namangan, Toshkent va Fargʻona viloyatlari hamda Toshkent shahrida;
2026-yil 20 noyabrdan Surxondaryo va Qashqadaryo viloyatlarida boshlanadi.
2027-yil 1-yanvardan «Yashil mahalla» loyihasi doirasida «Mahallani yashillashtirish» paketi joriy etiladi.
«Yashil mahalla» loyihasi doirasida mahallalarga Oʻrmon agentligi tomonidan oʻrmonchi-murabbiy xodim biriktiriladi.
Bunda «mahalla yettiligi» aʼzolari oʻrmonchi-murabbiy tomonidan har ekish mavsumi boshlanishidan oldin bir marotaba qisqa oʻquv kurslarida oʻqitiladi.
