Fargʻona viloyati bojxona boshqarmasi Kontrabandaga qarshi kurashish boʻlimi xodimlari tomonidan huquqni muhofaza qiluvchi organlar bilan hamkorlikda Fargʻona shahrida tezkor tadbir oʻtkazildi.
Oʻtkazilgan tezkor tadbir davomida Fargʻona shahri hududida Oʻzbekiston fuqarosi shartli xaridorga oldindan kelishilgan 65 mln soʻm evaziga 4 turdagi ozdirish uchun moʻljallangan qahva hamda biologik qoʻshimchalarni oʻtkazayotgan vaqtida tadbir ishtirokchilari tomonidan toʻxtatib qolindi.
Shundan soʻng ushbu fuqaroning koʻrsatmalariga asosan Oʻzbekistonda boʻlib turgan xorijiy davlat fuqarosi ham qoʻlga olindi.
Ekspertiza xulosasiga koʻra, 2 turdagi jami 4860 dona ozdirish uchun moʻljallangan “Catalina Coffee” va “For x5 mixed coffee” mahsulotlari tarkibida “sibutramin” nomli kuchli taʼsir qiluvchi modda borligi aniqlandi.
Mazkur holat yuzasidan jinoyat ishi qoʻzgʻatilib, tergov harakatlari olib borilmoqda.
