Farğonada 105 bolaning zaharlaniş işi: aybdorlar sud zalida qamoqdan ozod qilindi

Sud hujjatida qayd etilişiça, “Garden catering trade” MÇJ Farğona, Marğilon, Quvasoy şaharlari va Farğona, Quva tumanlarida faoliyat körsatayotgan jami 238 ta davlat boğçasiga keytering usulida tayyor oziq-ovqat mahsulotlari yetkazib beriş böyiça şartnomalar tuzgan.

Ekspertiza xulosalari

Farğona viloyati Sanitariya-epidemiologik osoyiştalik va jamoat salomatligi boşqarmasining örganiş yuzasidan berilgan maʼlumotiga köra, Farğona şahridagi 2, 15, 22, 31, 58, 61-sonli boğçalarda jamiyat tomonidan tarqatilgan göştli dölmadan olingan namunalarda “Salmonellf interitidis” va “Stafilakko aureus” mikrob qözğatuvçilari aniqlangan.

Şuningdek, jamiyat oşxonasidan olingan jami 316 ta surtma namunalarining 80 tasida ham içak tayoqçasi guruhi bakteriyalari va 10 tasida “Stafilakko aureus” mikrob qözğatuvçilari aniqlangan.

Bundan taşqari, jamiyatning oziq-ovqat omboriga qabul qilingan 11 461 kg oş tuzi, 1 528 kg bodring va 9 050 kg un mahsulotlari sifatsiz deb topilib, isteʼmoldan olib taşlangan.

Şifokorlar tomonidan ötkazilgan epidemiologik suriştiruv jarayonida tarbiyalanuvçilar 2026-yil 20-fevral kuni boğçada göştli dölma isteʼmol qilgani aniqlangan. Bolalarga uşbu ovqatdan kelib çiqqan ötkir diareya, alimentar etiologiyali taşxisi qöyilgan.

Jazo

Sudlanuvçilar sudda ayblariga iqror bölişmagan. Ular jinoyat işi böyiça aniqlangan kamçiliklar va zararlar töliq qoplanganini aytib, suddan yengillik söraşgan.

JIB Furqat tuman sudining 2026-yil 21-sentabrdagi hukmi bilan sudlanuvçilarning biri Jinoyat kodeksining 257-1-moddasi (sanitariyaga oid qonun hujjatlarini yoki epidemiyaga qarşi kuraş qoidalarini buziş) 1-qismi, 169-moddasi (öğrilik) 2-qismi “d” bandi, 167-moddasi (özlaştiriş yoki rastrata yöli bilan talon-toroj qiliş) 3-qismi “a” bandi, 228-moddasi (hujjatlar, ştamplar, muhrlar, blankalar tayyorlaş, ularni qalbakilaştiriş, sotiş yoki ulardan foydalaniş) 2-qismi “b” bandi, 228-moddasi 3-qismida, yana biri 257-1-moddasi 1-qismida, 2 nafari esa 167-moddasi 3-qismi “a” bandi, 228-moddasi 2-qismi “b” bandi va 228-moddasi 3-qismida nazarda tutilgan jinoyatlarni sodir etişda aybli deb topilgan.

Ularga quyidagi jazolar tayinlangan:

“Garden catering trade” MÇJ rahbari Ş.T. – 3 yil 6 oy muddatga ozodlikni çeklaş;

“Garden catering trade” MÇJ texnologi R.A. – 3 yil muddatga ozodlikni çeklaş;

“Garden catering trade” MÇJ direktori I.B. – 3 yil muddatga axloq tuzatiş işlari;

“Garden catering trade” MÇJ hisobçisi A.S. – 3 yil muddatga axloq tuzatiş işlari.

Qamoq ehtiyot çorasi qöllangan Ş.T. va R.A. darhol sud zalidan qamoqdan ozod qilingan.

Nima bölgandi?

2026-yil 20-fevralda Farğona şahridagi ayrim davlat boğçalarida bolalarning ommaviy zaharlanişi yuz bergandi. Uşbu boğçalarga tayyor ovqatlar autsorsing tarzida Quvasoydagi “Garden catering trade” MÇJ tomonidan yetkazib berilgani aniqlangan.

Keyinçalik “Garden catering trade” MÇJ hokimlik imtiyozidan foydalangani oydinlaşdi. Yaʼni 2024-yil 25-iyulda Farğona viloyati hokimi Xayrullo Bozorov qarori bilan Quvasoy şahridagi davlat boğçalarida keytering tizimi joriy etilgan. Öşanda taşkil etilganiga bir oy bölgan “Garden catering trade”ning ovqat tayyorlaş va yetkazib beriş böyiça takliflari maʼqullangan.

Viloyat hokimligi 2024-yil 30-iyulda tayyor taomlarni yetkazib beriş tizimi (keytering) sinov tariqasida joriy etilayotganini maʼlum qilgan. 1-avgustdan boşlab “Garden catering trade” kompaniyasi tender va tanlovsiz beş oy davomida boğçalarga oziq-ovqat yetkazib beriş huquqini qölga kiritgan.

Korrupsiyaga qarşi kuraşiş agentligi 2024-yil iyul oyida Farğona viloyatidagi davlat maktabgaça taʼlim muassasalarida ovqatlanişni taşkil etişda qoidabuzarliklarni aniqlagan.

Xususan, Farğona viloyati hokimining 2024-yil 25-iyuldagi 402-11-0-Q/24-sonli qarori bilan “Garden catering” MÇJ Quvasoy va Farğona şaharlaridagi maktabgaça taʼlim taşkilotlariga taom yetkazib beruvçi sifatida töğridan töğri tanlangani maʼlum bölgan. Agentlikka köra, mazkur qaror “Davlat xaridlari töğrisida”gi qonun hamda Vazirlar Mahkamasining 2019-yil 25-iyuldagi 626-son qarori talablariga zid qabul qilingan.

Agentlik aniqlangan holatlar yuzasidan Farğona viloyati hokimligiga qonunbuzilişlarni bartaraf etiş, xizmat körsatuvçini raqobatli xarid asosida tanlaş, masʼul şaxslarga nisbatan çora köriş hamda kelgusida bunday holatlarning oldini oliş böyiça taqdimnoma kiritgan. Biroq hokimlik taqdimnomada körsatilgan qonunbuzilişlarni bartaraf etiş böyiça amaliy çoralar körmagan.

Avvalroq Toşkent viloyati boğçalaridagi ommaviy zaharlaniş işi böyiça 11 kişi aybdor deb topilib, sudlanuvçilarning uç nafari 3,5 yilga, yana uç nafari 3 yilga ozodlikdan mahrum qilingandi.