Milliy statistika qoʻmitasi maʼlumotlariga koʻra, yetti oyda mamlakatga 9,7 milliard dollarlik mashina va transport asbob-uskunalari import qilingan. Bu 2025-yilning shu davriga nisbatan 20 foizga koʻp.
Sanoat tovarlari importi 4,4 milliard dollarni tashkil etib, 10,1 foizga oshgan. Xizmatlar hamda kimyoviy vositalar va shunga oʻxshash mahsulotlar importining har biri 3,6 milliard dollarga yetgan. Ushbu yoʻnalishlarda oʻsish mos ravishda 13,3 va 15,6 foizni tashkil etgan.
Keltirilgan tovar va xizmat guruhlari orasida eng yuqori oʻsish oziq-ovqat mahsulotlari va tirik hayvonlar importida kuzatilgan. Uning hajmi 41,9 foizga koʻpayib, 3,3 milliard dollarga yetgan.
Mineral yonilgʻi, moylash materiallari va shunga oʻxshash materiallar importi 2,5 milliard dollarni tashkil etgan. Bu oʻtgan yilning mos davriga nisbatan 10,7 foizga koʻp.
Qolgan yoʻnalishlarda import hajmi va oʻsish surʼati quyidagicha boʻlgan:
- turli xil tayyor buyumlar - 1 milliard dollar, oʻsish 14 foiz;
- yonilgʻidan tashqari nooziq-ovqat xomashyosi - 909,8 million dollar, oʻsish 14,1 foiz;
- hayvon va oʻsimlik moylari, yogʻlar va mumlar - 363 million dollar, oʻsish 25,3 foiz;
- ichimliklar va tamaki - 222,2 million dollar, oʻsish 15,3 foiz.
