Prezident farmoniga muvofiq, I tarif guruhi isteʼmolchilari uchun elektr energiyasi tariflarini sutka davri boʻyicha hisoblash tartibi oʻzgartiriladi.
Yangi tartibga koʻra, soat 09:00 dan 17:00 gacha boʻlgan yarim tigʻiz davrda elektr energiyasi uchun toʻlovda bazaviy tarifga nisbatan 1,5 baravar kamayuvchi koeffitsiyent qoʻllaniladi. Bu amaldagi tarif boʻyicha 1 kVt⋅soat uchun 1100 soʻmdan emas, 733 soʻmdan.
Tungi davrda - soat 22:00 dan 06:00 gacha bazaviy tarif amal qiladi.
Qayd etilishicha, yangi tartib tadbirkorlik subyektlarini qoʻllab-quvvatlash, ularga kunduzgi vaqtda elektr energiyasidan yanada qulay shartlarda foydalanib, ishlab chiqarish hajmlarini oshirish uchun qoʻshimcha imkoniyat yaratadi.
Eslatma: I tarif guruhiga asosiy va zaxira elektr taʼminoti uchun ulangan quvvati 750 kVA va undan ortiq boʻlgan yirik isteʼmolchilar kiradi.
