Festival mehmonlarga zamonaviy elektr va plug-in gibrid texnologiyalar bilan yaqindan tanishish, avtomobillarni taqqoslash, mutaxassislardan maslahat olish hamda xarid boʻyicha keyingi amaliy qadamlarni tadbir joyining oʻzida rejalashtirish imkonini beradi.
Maxsus moliyaviy taklif
BYD e-Mobility Festa Special Offer doirasida 1-oktabrdan boshlab BYD CHAZOR UzPride va BYD YUAN UP DM-i modellari uchun maxsus moliyalashtirish shartlari amal qiladi. Taklif mijozlarga toʻlov usullarini oʻz xarid rejalariga muvofiq tanlash imkonini beradi.
Boshlangʻich toʻlov miqdori 25% dan 60% gacha, 12 va 18 oy muddatlarda har qanday boshlangʻich toʻlov bilan 0,0% ustama asosida boʻlib toʻlash imkoniyati mavjud.
Shuningdek, 40% boshlangʻich toʻlov bilan 24 oyga, 50% boshlangʻich toʻlov bilan 30 oyga hamda 60% boshlangʻich toʻlov bilan 36 oygacha 0,0% ustama asosida boʻlib toʻlash shartlaridan foydalanish mumkin.
Festival hududida dilerlik tarmogʻi va moliyaviy hamkorlar vakillari mijozlarga model, komplektatsiya, boshlangʻich toʻlov, muddat va ariza topshirish jarayoni boʻyicha maslahat beradi.
Taklif BYD’ning barcha rasmiy dilerlarida amal qiladi. Mijozlar festival davomida avtomobil bilan tanishish, test-drayvga yozilish va tanlangan model boʻyicha moliyalashtirish variantini aniqlashtirish imkoniyatiga ega boʻladilar.
Festival haqida
BYD e-Mobility Festa 2026 festivalida BYD SEALION 6 EV va BYD Ti 7 modellarining Oʻzbekiston bozoridagi dastlabki namoyishi, YANGWANG U9 elektr superkari, DENZA B5 va B8 yoʻltanlamaslari, shuningdek, BYD’ning tanilgan va kutilayotgan modellari taqdim etiladi. Tadbir formatida avtomobil ekspozitsiyasi, texnologik zonalar, interaktiv maydonlar va kechki sahna dasturlari jamlangan.
Festivalning uchinchi mavsumi BYD’ning Oʻzbekistondagi yangi mobillik ekotizimini keng auditoriyaga yaqinlashtirishga qaratilgan. Bu format mehmonlarga texnologiyani koʻrish, avtomobilni his qilish va xarid jarayonini tushunarli moliyaviy yechimlar bilan davom ettirish imkonini beradi.
