Janubiy Koreyaning Incheon shahrida, 190 ga yaqin davlat vakillari ishtirokida oʻtgan First Global Challenge 2026 xalqaro robototexnika musobaqasida Oʻzbekiston terma jamoasi chempion boʻldi.
Oʻzbekistonlik robototexniklar musobaqada 3 ta oltin medalni qoʻlga kiritib, mutlaq chempionlikka erishdi. Yosh muhandislar 16 ta oʻyinning barchasida gʻalaba qozonib, 637 ball bilan musobaqa rekordini qayd etdi.
Prezident farmoni bilan, musobaqa gʻoliblari va ularning murabbiylari davlat mukofotlari bilan taqdirlandi:
“Sodiq xizmatlari uchun” medali bilan
Boʻtaxonov Ziyodulla Zoyirjon oʻgʻli – Robototexnika boʻyicha Oʻzbekiston terma jamoasi bosh murabbiysi
“Kelajak bunyodkori” medali bilan
Salomov Ibrohim Oʻktamovich – Robototexnika boʻyicha Oʻzbekiston terma jamoasi sardori
Abdujabborov Abdulloh Abdugʻofur oʻgʻli – Robototexnika boʻyicha Oʻzbekiston terma jamoasi texnik murabbiysi
Akbarov Shohruxbek Aʼzamjon oʻgʻli – Robototexnika boʻyicha Oʻzbekiston terma jamoasi aʼzosi
Qosimov Akbarshoh Anvar oʻgʻli – Robototexnika boʻyicha Oʻzbekiston terma jamoasi aʼzosi
Mirahmedov Ayubxon Anvar oʻgʻli – Robototexnika boʻyicha Oʻzbekiston terma jamoasi aʼzosi
Pardayev Umarbek Sherzod oʻgʻli – Robototexnika boʻyicha Oʻzbekiston terma jamoasi aʼzosi
Sodiqov Shukrullo Sherali oʻgʻli – Robototexnika boʻyicha Oʻzbekiston terma jamoasi aʼzosi
