Oxirgi 9 ta savdo sessiyasida soʻm dollarga nisbatan qadrsizlandi va 2 foizga oʻz qiymatini yoʻqotdi. Shuningdek, dollarning rasmiy kursi 31-iyuldan buyon eng yuqori darajaga qaytdi. Yil boshidan buyon hisoblaganda esa soʻm erishgan barcha mustahkamlanishini yoʻqotdi. Iqtisodchi Mirkomil Xolboyev soʻm kursi dinamikasidagi oʻzgarishlarni tahlil qildi va bunga sabab boʻlayotgan omillarni keltirib oʻtdi.
Dollar global miqyosda mustahkamlanmoqda. Oktabr oyida aksariyat valyutalar dollarga nisbatan qadrsizlanmoqda. Xususan, tanlab olingan 39 ta valyutaning 26 tasi dollarga nisbatan qadrsizlangan. Faqatgina 8 ta valyutada mustahkamlanish kuzatilgan. Yaʼni global miqyosda ham aksariyat valyutalar dollarga nisbatan qadrsizlanmoqda, soʻm esa ular qatorida. Dollarning mustahkamlanishi oʻz navbatida sentabr oyida AQSH Markaziy bankining foiz stavkasini oshirganligi hamda oktabr oyidagi yigʻilishda oshirish boʻyicha kutilmalar oshayotganligi bilan izohlanadi. AQShda inflyatsiyaning tezlashayotganligi esa foiz stavkasi oshirilishining ehtimolini yanada kuchaytirmoqda.
Soʻm kursi oʻzgarishiga global dollarning mustahkamlanishidan tashqari boshqa omillar ham taʼsir qilayotgan boʻlishi mumkin.
Hozircha maʼlumotlar mavjud boʻlmagan, lekin ehtimoliy sabablar.
Bir martalik qarz yoki shunga oʻxshash boshqa majburiyatlar boʻyicha toʻlovlar. Uchinchi chorak yakuni bilan hukumat yoki xususiy sektorlarning qarz toʻlovi boʻyicha bir martalik talabi valyuta bozorida qisqa muddatli talabning oshishiga olib kelgan boʻlishi mumkin.
Real kurs. May oyidan real kurs mustahkamlanishni boshlagandi. Markaziy Bank ishlab chiqaruvchilarning tashqi raqobatdoshligi yoʻqotilishining oldini olish uchun (sterilizatsiya boʻyicha) intervensiyalarni ortga surayotgan boʻlishi mumkin. Oʻzi, umuman, joriy yilda oʻtgan yilga nisbatan sezilarli kam oltin eksport qilindi. Bu esa Markaziy bankning valyuta orqali sterilizatsiya imkoniyatlari oldingi yilgidan kamroq ekanligini koʻrsatadi.
Pul oʻtkazmalarining mavsumiy moʻtadillashishi
