Marko Rubio Oʻzbekiston va AQSH oʻrtasidagi strategik sheriklikni rivojlantirish, siyosiy-diplomatik, savdo-iqtisodiy va madaniy-gumanitar aloqalarni kengaytirishga qoʻshgan ulkan shaxsiy hissasi uchun taqdirlandi.
Shavkat Mirziyoyev tomonidan imzolangan farmonda, shuningdek, uning Markaziy Osiyoda tinchlik, barqarorlik va izchil taraqqiyotni taʼminlashga qaratilgan saʼy-harakatlarni qoʻllab-quvvatlash, Oʻzbekistonning xalqaro miqyosdagi tashabbuslarini ilgari surish hamda ikki mamlakat xalqlari oʻrtasidagi oʻzaro ishonch va doʻstlikni mustahkamlashdagi xizmatlari qayd etilgan.
Serjio Gor esa Oʻzbekiston va AQSH oʻrtasidagi doʻstona munosabatlarni mustahkamlash, uzoq muddatli strategik sheriklikni kengaytirish va siyosiy-diplomatik muloqotni faollashtirishdagi alohida xizmatlari uchun «Doʻstlik» ordeni bilan taqdirlandi.
Shuningdek, uning Oʻzbekistonning iqtisodiy salohiyati va investitsiyaviy imkoniyatlarini AQShda targʻib etish, amerikalik investorlar va yetakchi kompaniyalarni mamlakatga jalb qilish, energetika, sanoat, transport va boshqa ustuvor sohalardagi oʻzaro manfaatli loyihalarni ilgari surish hamda Amerika–Oʻzbekiston ishbilarmonlik va investitsiya kengashi doirasidagi hamkorlikni rivojlantirishga qoʻshgan hissasi eʼtirof etilgan.
