Xanti-mansilar muxtor okrugida 2023 yilda o‘g‘il bolalarga eng ko‘p Muhammad ismi qo‘yildi

Muhammad ismi Xanti-Mansilar muxtor okrugida 2023 yilda o‘g‘il bolalarga eng ko‘p qo‘yilgan ism bo‘ldi.

Foto: Freepik

2023 yilda Xanti-Mansilar muxtor okrugi - Yugrada 348 nafar yangi tug‘ilgan chaqaloq Muhammad ismi bilan berilgan tug‘ilganlik haqidagi guvohnomani oldi.

Qizlar o‘rtasida Sofiya yetakchilik qilmoqda: 305 nafar yangi tug‘ilgan chaqaloq shu nom ostida ro‘yxatga olingan. Bu haqda Ura.ru mahalliy FHDYo ma’lumotlariga tayanib xabar berdi.

Shuningdek, 2023 yilda eng ko‘p qo‘yilgan o‘g‘il bolalar ismlari qatoriga Aleksandr (295 chaqaloq bu nomni oldi), Mixail, Matvey, Artyom ham kirdi. Eng ko‘p qo‘yilgan qiz bolalar ismlari orasida Yeva (241 yangi tug‘ilgan chaqaloqqa shunday nom berilgan), Anna, Mariya, Omina bor.

Ma’lumot uchun, Xanti-mansilar muxtor okrugi (1940 yilgacha Ostyak-vogullar milliy okrugi) - Rossiya Federatsiyasi Tyumen viloyatidagi muxtor okrug. 1930 yil 10 dekabrda tashkil etilgan.

Aholisi 1,4 mln kishi (2002), xantilar, mansilar, ruslar, ukrainlar, tatarlar va boshqa millat vakillari yashaydi. Markazi — Xanti-Mansiysk. Asosiy shaharlari — Surgut, Nijnevartovsk, Nefteyugansk.