Кечки дайжест: 19 октябрнинг энг муҳим хабарлари

Якунланиб бораётган 19 октябрь Ўзбекистон ва жаҳонда юз берган турли воқеа-ҳодисаларнинг энг саралари Kun.uz дайжестида.

Фарғонада ҳарбий вертолёт қулаб тушиши оқибатида 9 киши ҳалок бўлди

2016 йилнинг 18 октябрь куни Фарғона вилояти ҳудудида Ўзбекистон Республикаси Мудофаа вазирлигининг режа асосида парвоз қилган Ми-171 вертолёти ҳалокатга учради. Ҳалокат оқибатида 3 экипаж аъзоси ва вертолётда бўлган Ўзбекистон Республикаси Қуролли Кучларининг 6 ҳарбий хизматчиси ҳалок бўлди.

>>> Батафсил.

Шавкат Мирзиёев «Самарқанддаги Имом Бухорий халқаро тадқиқотлар маркази»ни ташкил этишни ғоясини илгари сурди

Аввал хабар берилганидек, Тошкентда ИҲТ ТИВКнинг 43-сессияси ўз ишини давом эттирмоқда. Куни кеча, унинг очилиш маросимида Ўзбекистон Республикаси Президенти в.б. Шавкат Мирзиёев иштирок этиб, сессия қатнашчилари олдида маъруза қилди.

>>> Батафсил.

Тошкентда чиқиндиларни олиб чиқиш хизматлари учун тарифлар оширилади

Жорий йилнинг 1 ноябридан эътиборан «Махсустранс» давлат ишлаб чиқариш бошқармаси Тошкент аҳолисига ва корхоналарга санитар тозалаш хизматларини кўрсатиш бўйича тарифларни оширади.

>>> Батафсил.

4 ёшли қиз интернет аҳлини лол қолдирди

4 ёшли полиглот (кўп тилларни билиш) қиз Белла Девяткина интернет аҳлини лол қолдирди. У 7 та тилда, жумладан рус, инглиз, хитой ва араб тилларида сўзлашади.

>>> Батафсил.

Видео: Маниладаги АҚШ элчихонаси олдидаги намойиш вақтида полиция машинаси одамларни босиб янчди

Филиппин полицияси автомобили Маниладаги АҚШ элчихонаси олдида намойиш уюштираётган одамлар устига бостириб борди. “Ассошиэйтед Пресс” агентлиги хабарига кўра, жароҳатланганлар бор.

>>> Батафсил.

АҚШ мусулмонлари: «Трамп учун арабча ёзувнинг ўзиёқ қўрқинчли»

АҚШнинг Детройт шаҳриида истиқомат қилувчи араб тилида сўзловчи фуқаролар мамлакат президентлигига республикачилар партиясидан номзоди кўрсатилган Доналд Трампни ўзига хос тарзда танқид қилишди.

>>> Батафсил.

70 нафар Нобель мукофоти совриндорлари Клинтон номзодини қўллаб-қувватлашди

Турли соҳалардаги етакчи олимлар, Нобель мукофоти совриндорлари гуруҳи АҚШ президенти лавозимига номзод Хиллари Клинтонни АҚШда эркинликни ҳимоялашга ягона имконият деб атаб, унинг номзодини қўллаб-қувватлашди.

>>> Батафсил.

Мадриддаги муҳожирлар норозилик билдирмоқда

Испания пойтахти хорижликларни вақтинча сақлаш марказидаги ўнлаб ноқонуний муҳожирлар норозилик уюштиришди.

>>>  Батафсил.

Қозоғистон қуйи палатаси Бойқўнғир мақомини ўзгартиришни маъқуллади

Қозоғистон парламенти Мажилиси (қуйи палатаси) РФ билан Бойқўнғир мақоми бўйича мавжуд битимга ўзгартиш киритишга оид келишувни тасдиқлади, деб хабар қилмоқда РИА Новости агентлиги.

>>> Батафсил.

Қирғизистон парламенти Конституциянинг асл нусхасини йўқотиб қўйди

Қирғизистон парламенти мамлакат конституцияни ўзгартишга оид референдумни тайинлаш бўйича қонун лойиҳасини муҳокама қилаётган вақтда депутатлар бир жиҳатга эътибор қаратишган.

>>> Батафсил.

Бельгияда россияликларнинг айбловига жавоб қайтарилди

Бельгия Қироллиги Мудофаа вазири Стивен Вандепутнинг маълум қилишича, бельгияликлар самолётлари Ҳалаб яқинида тинч аҳоли устига бомба ёғдирмаган.

>>> Батафсил.

Қрим Россиянинг ажралмас қисми деб тан олинди

Сурия ҳукумати Қрим республикасини Россиянинг ажралмас қисми деб тан олди. Сурия парламенти раиси Ҳадия Аббос Sputnik агентлигига берган интервьюсида шундай баёнот берган.

>>>  Батафсил.

Мухбирлар Малибудаги қирғоқ бўйида Жолини бахтиёр ҳолда учратишди

Калифорниялик мухбирлар актриса Анжелина Жолини турмуш ўртоғи Брэд Питт билан ажралиши ҳақидаги хабардан сўнг илк марта суратга олишга муваффақ бўлишди.

>>> Батафсил.

Facebook мессенжерида суҳбат учун мавзулар таклиф қилиш функцияси пайдо бўлади

Facebook мессенжери фойдаланувчиларга суҳбат учун мавзулар таклиф қилишга ўргатилди. TechCrunch нашри хабар беришича, айни вақтда тегишли функция синовдан ўтказилмоқда.

>>>  Батафсил.

Соат каби ишлайди: Швейцариянинг илк электрик самолёти ҳавога кўтарилди

Hamilton вакилларининг ишончи комил: электрик двигателли ҳаво кемалари  -  йўловчи ва спорт авиациясининг келажаги.

>>> Батафсил.

MMA турнирида болалар иштирокини танқид қилган Павел Колобков Россия Спорт вазири бўлди

Россия бош вазири Дмитрий Медведев мамлакат президенти тавсиясига биноан Спорт вазири ўринбосари Павел Колобковни вазирликнинг янги раҳбари этиб тайинлади.

>>> Батафсил.

«Атлетико» «Ростов»га қарши сафар ўйини учун олинган чипталарнинг барчасини қайтариб юборди

«Атлетико» клуби Европа чемпионлар лигаси гуруҳ босқичининг 3-турида «Ростов» клубига қарши кечадиган ўйин учун ажратилган чипталардан бирортасини сота олмади.

>>> Батафсил.

Хитойлик беш карра Олимпиада чемпиони 23 ёшида фаолиятини якунлади

Беш карра олимпиада чемпиони, хитойлик Чэнь Жолинь ўзининг профессионал фаолиятини якунлаганини маълум қилди.

>>> Батафсил.