Metroning Sergeli yo‘nalishi 1 yanvargacha bepul bo‘ladi

Toshkent yerusti metrosining Sergeli yo‘nalishida yo‘lovchilar 1 yanvargacha metrodan tekinga foydalanishlari mumkin.

26 dekabr soat 16:00dan boshlab Toshkent metropolitenining Sergeli yo‘nalishi xizmat ko‘rsata boshladi.

«O‘zbekiston temir yo‘llari» matbuot xizmatining xabar berishicha, yo‘nalish ishga tushgandan boshlab 2021 yil 1 yanvar soat 8:00 ga qadar ushbu yo‘nalishda yangi ochilgan «Bekat-1», «Bekat-2», «Bekat-3», «Bekat-4», «Bekat-5» stansiyalarida harakatlanish bepul bo‘ladi.

Metroda bepul xizmat faqat yangi yo‘nalishdagi poyezdlarga chiqilganda mumkin bo‘ladi. Toshkent metropolitenining boshqa yo‘nalishlarida xizmat pullik bo‘ladi.