2018 yil oktyabr oyidan buyon Toshkent viloyati prokurori lavozimida ishlab kelgan Salom Samadov Qashqadaryo viloyat prokurori lavozimiga tayinlandi. Kun.uz manbasi xabariga ko‘ra, bu haqda bosh prokurorning tegishli buyrug‘i qabul qilingan.
Foto: Bosh prokuratura
Salom Samadovga joriy yil yanvar oyida prezident farmoni bilan 3-darajali Davlat adliya maslahatchisi unvoni berilgan.
Iyul oyi oxirlarida O‘zbekiston bosh prokurori ishtirok etgan Qoraqalpog‘iston Jo‘qorg‘i Kengesi sessiyasida Erkaboy Tojiyev respublikaga prokuror etib tayinlangandi.
Ushbu tayinlovdan keyin Qashqadaryo viloyati prokurori lavozimi bo‘shab qolgandi.
