Hokimlikka koʻra, bugun koʻplab ijtimoiy muassasalar, ayrim davlat tashkilotlari, korxona va tashkilotlarda ish kuni soat 8:00 da boshlanadi. Shu vaqtdan shaharda faol hayot boshlanib, aholi davlat va shahar xizmatlariga murojaat qiladi. Shu sababli hokimlik va unga qarashli xizmatlarning ham fuqarolarga shu vaqtdan boshlab xizmat koʻrsatishga tayyor boʻlishi «maqsadga muvofiq».
Taʼkidlanishicha, ish jadvallarini uygʻunlashtirish bir nechta idora ishtirokini talab qiladigan masalalarni tezroq muvofiqlashtirish imkonini ham beradi.
Yoʻl harakatini tashkil etish markazi tahlillariga koʻra, ish boshlanish vaqtlarini taqsimlash ertalabki tirbandlik paytida yoʻl tarmogʻiga tushadigan yuklamani kamaytirishga yordam beradi. Yangi grafik joriy etilsa, tushlik vaqti ham shunga mos ravishda tashkil etilib, kun davomida transport oqimi va umumiy ovqatlanish obyektlariga tushadigan yuklama bir maromda taqsimlanishi mumkin.
Yakuniy qaror qabul qilishdan oldin Toshkent aholisining fikri oʻrganilmoqda. Agar soʻrovnoma natijalariga koʻra taklif aholi tomonidan qoʻllab-quvvatlansa, hokimlik uni belgilangan tartibda kasaba uyushmalari tashkilotlari bilan kelishish uchun kiritadi.
Soʻrovnoma natijalari 28-avgust kuni sarhisob qilinadi.
