Janubiy Koreya: KXDRning bu qadamidan afsusdamiz 

Janubiy Koreya KXDRning vazirlar darajasida muzokaralar o‘tkazishdan to‘satdan bosh tortgani tufayli afsusda ekanini bildirdi. Bu Amerika-Janubiy Koreya harbiy mashqlari tufayli yuz berdi, deb xabar qilmoqda RIA «Novosti» mamlakatning Milliy birlashuv ishlari bo‘yicha vazirligi bayonotiga asosan.

«Janub va Shimolning yuqori darajadagi muzokaralarini Amerika-Janubiy Koreya muntazam harbiy-havo mashqlari bahonasi bilan bir tomonlama kechiktirish 27 aprel kuni ikki davlat yetakchilari tomonidan muvofiqlashtirib olingan Pxanmunjom deklaratsiyasiga mos kelmaydi va afsusga sabab bo‘lmoqda», - deyiladi bayonotda.

Pentagondan ma'lum qilishlaricha, Janubiy Koreya va AQShning qo‘shma harbiy mashqlari faqat mintaqa himoya salohiyatini oshirishga mo‘ljallangan.

Eslatib o‘tamiz, avvalroq KXDR Janubiy Koreyaga taklif bilan chiqqani, u qabul qilingani xabar berilgandi.