БМТ: 10 минг ғарбий африкалик Эболадан соғайди

10 минг нафар Ғарбий Африка аҳолиси Эбола вируси келтириб чиқарган хасталикдан тузалди ва ёрдамга эҳтиёж сезмоқда. Бу ҳақда БМТ бош котиби Пан Ги Мун чоршанба, 13 январь куни хавфли юқумли касалликлар эпидемиясига қарши кураш жараёнига бағишланган Бош Ассамблея йиғилишида маълум қилди, дея хабар берди ТАСС.

“Ғарбий Африкада Эбола вируси касаллигига чалинган 10 минг киши тузалди. Улар саломатлиги ва фаровонлигини таъминлашга имкон берадиган кўмакка муҳтож. Биз яшаб қолганлар, бевалар, етимлар ва аҳолининг бошқа заиф қатламларига ғамхўрлик қилишимиз керак”, - деди бош котиб.

Унинг сўзларига кўра, 2014 йил февраль ойида эпидемия бошланганидан буён илк бор минтақа вирус тарқалишига тўлиқ барҳам берилди.