Олимлар барча замонларда нафақат оғир ақлий меҳнатни амалга оширишган, балки ҳаётларини ҳам кўп марта гаровга қўйишларига тўғри келган. Ўрта асрларда ўлатни даволаган шифокорлар, ўтган юз йилликдаги радиация тажрибалари, сайёрамизнинг энг хавфли жойларига саёҳат қилиш - фақат бу соҳага алоқадор бўлмаган инсонгина олим меҳнатини зерикарли дейиши мумкин.
Эътиборингизга шу соҳадаги энг хавфли касбларини ҳавола этамиз.
Тимсоҳлар овчиси
1983 йилда Австралиядаги Аделаида Университети физиологи Рожер Сеймур одатий иши - тимсоҳларни тутиш билан шуғулланган. Бу унинг ихтисослиги бўлиб, у деярли бутун умрини шунга бағишлаган. Тадқиқот гуруҳи бу хавфли жониворларни жуда яхши билган, шунинг учун улар ишини тугатиб, ўз лагерини йиллар давомида ишлаб чиқилган хавфсизлик қоидаларига кўра барпо этарди.
Акваспелеологлар
Сувости олами - тадқиқот учун энг хавфли соҳалардан бири. Бу ерда ҳар нима содир бўлиши мумкин: кутилмаган зилзиладан тортиб кислород балончасининг бузилишигача. Охирги икки йилнинг ўзида сувости ғорларида мингдан ортиқ тадқиқотчилар ҳалок бўлишди. Бироқ бу ерда олинган маълумотлар бутун сайёра тарихида янги саҳифа очиши мумкин, шу боис олимлар бундай хавфли машғулотни тарк этишмайди. 2010 йилда Майами университети ғоввослар жамоаси минтақа иқлимини ўрганиш мақсадида Баҳама оролларидаги ғорларни тадқиқ қилган. Ушбу тадқиқот лойиҳанинг бош спелеологи Уэсли Скайлснинг ўлимига сабаб бўлган.
Оғу олувчилар
Илон заҳари тиббиётда кенг тарқалган, аммо англаб турганингиздек, уни топиш осон иш эмас. Муайян миқдордаги оғуни олиш учун тадқиқотчи юзлаб илонлар билан ишлашига тўғри келади. Уларнинг аксарият турлари инсонни бир чақса, ўлимга олиб келиши муқаррар.
Космонавтлар
