Хитойда ўтказилган авиашоу вақтида енгил моторли самолёт қулаб тушиши оқибатида қурбон бўлганлар сони 4 нафарни ташкил қилган. Бу ҳақда маҳаллий нашрлар хабар тарқатган.
Ҳодиса Хэбей вилоятидаги Шицзячжуан шаҳрида рўй берган. Самолёт ўз чиқишини ўтказиб бўлганидан кейин ҳалокатга учраган.
Самолёт бортида бўлган учувчи ва яна 3 киши ҳодиса оқибатида ҳалок бўлган.
Ердагилар орасида қурбонлар йўқлиги айтилган. Фожиа сабаблари ўрганилмоқда.
