Пентагон Сурияда "Жибҳат ан-Нусра" етакчисининг "ўнг қўли" йўқ қилинганини тасдиқлади

Пентагон Суриянинг Идлиб вилоятида "Жибҳат ан-Нусра" террорчилик гуруҳи етакчисининг "ўнг қўли" – Абу ал-Фараж ал-Масрий йўқ қилинганини тасдиқлади. Бу ҳақда РИА “Новости” ахборот агентлиги хабар бермоқда. 

Асл исми Аҳмад Салома Мабрук бўлган террорчи АҚШ бошчилигидаги коалиция авиазарбаси натижасида йўқ қилинган.  

Ал-Масрий "Жибҳат ан-Нусра"да иккинчи одам ҳисобланган. У, шунингдек, "Ал-Қоида" етакчиси Айман аз-Завахирий билан яқин бўлган. Таъкидланишича, Ал-Масрий террорчилар сафига 1983 йилда қўшилган.