Шимолий Америка осмонида ёрқин объект кузатилди

4 октябрь куни Торонто осмонида ёрқин метеор кўринди. Бу ҳақида The Telegraph нашри хабар берди. 

АҚШнинг шимоли-шарқи ва Канадада яшовчи тахминан 300 нафар аҳоли осмонда ёрқин объектни кузатганлиги ҳақида маълум қилди. Уни Скарбородаги Торонто университетининг Астрономия расадхонасига тегишли бўлган веб-камера ёрдамида тасвирга туширишга муваффақ бўлинди. 

Метеор шундай бир кўринишки, унда метеороидларга мансуб бўлган осмон жисми (масалан, комета ва астероидларнинг майда бўлаклари) Ер атмосферасида ёниб кетади. 

Жуда ёрқин метеорлар болидлар, деб аталади.