Россия тарихида энг ёш губернатор тайинланди

Россия президенти Владимир Путин 30 яшар Антон Алихановни Калининград вилояти раҳбарлигига сайлаш тўғрисидаги буйруққа имзо чекди. Буйруқ расмий интернет-порталда эълон қилинган.

«Калининград вилоятида сайлов ўтказилгунига қадар губернатор вазифасини вақтинчалик бошқариб туришга Алиханов Антон Андреевич тайинлансин», — дейилади ҳужжатда.
Маълумот учун: Антон Алиханов 1986 йилнинг 17 сентябрида Сухуми шаҳрида таваллуд топган. 2010 йилдан буён Адлия вазирлигида, 2013 йилдан эса Россия савдо ва саноат вазирлигида фаолият юритиб келади.

Алиханов айни дамда Россия тарихидаги энг ёш губернатор сифатида эътироф этилмоқда.