Фото: Getty Images
Ҳажвий мультсериал бўлмиш South Park ижодкорлари АҚШ президентлиги сайловида Дональд Трамп ғалаба қозонгач, мультфильмнинг янги сценарийсини ўзгартиришди. Аввалдан тайёрлаб қўйилган олдинги сериясида Ҳиллари Клинтон президент сифатида кўрсатиб ўтилган эди.
Трамп ҳисобига янгиланган қисм АҚШда 10 ноябрда намойиш этилади. Янги қисм - "Oh Jeez" ("Эй, Худойим") деб номланган. Қисм тизери интернетда эълон қилинган.
Variety порталининг хабар беришича, янги қисмда ўтказилган сайловлар устидан жуда қаттиқ кулинган. Қаҳрамонлардан бирининг отаси унга шундай дейди: “АҚШда аёллар ҳамма нарса бўлишлари мумкин, фақат президент эмас”.
