«МЮ» сўнгги дақиқаларда ғалабани қўлдан чиқарди

Англия чемпионатининг 14-туридан ўрин олган яна бир учрашув якунига етди. «Эвертон» ўз уйида «Манчестер Юнайтед»ни қабул қилиб дурангга имзо чекди.

«Гудисон Парк»да кечган учрашувда аввалига Златан Ибраҳимович ҳиобни очганди. Аммо ўйин тугаши арафасида майдонга тушган собиқ «Эвертон» футболчиси Маруан Феллайни рақиб футболчисини жарима майдончаси ичида йиқитиб пенальти белгиланишига сабаб бўлди. Лэйтон Бэйнс нуқтадан аниқ зарба йўллаб ўйиндаги якуний натижани ўрнатди – 1:1.

«Манчестер Юнайтед» ушбу натижадан кейин 21 очко тўплаган ҳолда турнир жадвалида 6-ўринда бормоқда. «Эвертон» (20 очко) эса «Вест Бромвич» билан еттинчи ўринни бўлишиб турибди.

Англия премьер-лигаси

14-тур

Эвертон – Манчестер Юнайтед 1:1 (0:1)

Голлар: Ибрагимович, 42 (0:1); Бэйнс, 89 (1:1, пен).
Эвертон: Стекеленбург, Фунес Мори, Бейнс, Коулмэн (Холгейт, 67), Уильямс, Клеверли (Деулофеу, 65), Бэрри, Болази (Валенсия, 68), Гуйе, Миральяс, Лукаку.
Манчестер Юнайтед: Де Хеа, Рохо, Джонс, Дармиан, Валенсия, Мхитарян (Феллайни, 85), Погба, Кэррик, Эррера, Марсьяль (Рэшфорд, 83), Ибрагимович.
Огоҳлантиришлар: Рохо (16), Бэрри (31), Феллайни (88), Де Хеа (88), Лукаку (90).