Суриянинг Ал-Боб шаҳри ИШИД жангариларидан бутунлай озод қилинди. Бу ҳақда мухолифатдаги Сурия озодлик армияси вакили Усама Абу Зайд расман маълум қилган.
"Сурия Озодлик армияси ва ИШИД ўртасида кечган жанглардан кейин Ал-Боб шаҳри озод қилинди", дея унинг сўзларини келтирган Sky News Arabia телеканали сайти.
Ал-Боб шаҳри ИШИДнинг Суриядаги таянчларидан бири эди. Туркия Қуролли кучлари ва Сурия озодлик армияси ўтган йилнинг августида бошлаган "Фрот қалқони" амалиёти давомида ҳамкорликда ҳаракат қилмоқда.
