Acibadem Bodrum билан янги соғлом ҳаётга қадам ташланг
Туркия - тиббий туризм йўналишидаги етакчи мамлакатлардан биридир. Эгей денгизининг кўркам манзарали қирғоғида жойлашган Бодрум мамлакат тиббий туризмининг гавҳари ҳисобланади. Бу ерда табиат гўзаллигининг ўзиёқ инсон дардига малҳам бўлади. Acibadem халқаро тармоғининг машҳур клинкаларидан бири айнан шу масканда жойлашган. Клиниканинг юқори малакали мутахассислардан иборат жамоаси турли тиббий йўналишлар бўйича жумладан: онкологиядан тортиб то ЭКУ ва эстетикага боғлиқ касалликларга ташхис қўяди ҳамда уларни сифатли даволайди. Ёзги мавсумда бу ажойиб имконият - Бодрумда ҳордиқ чиқариш давомида организмни тўлиқ сheck-up текширувдан ўтказишни таклиф қилади.
Check-up ўзи нима?
Check-up - организмнинг очиқ белгилар намоён бўлмаган ҳолатларида инсоннинг саломатлик даражасини ёки касалликни эрта босқичда аниқлашга, шунингдек келгусида юзага келиши мумкин бўлган муайян касалликларга мойиллигини кузатишга йўналтирилган тўлиқ тиббий текширув. Ташхисдан ўтгандан кейин шифокорлар натижаларни таҳлил қилишади ва ўз хулосаларини баён қилишади. Шунингдек улар хушбичимлик учун зарур бўлган соғлом турмуш тарзига риоя қилиш, жисмоний машғулотлар, тўғри овқатланиш борасида муҳим тавсиялар беришади.
Сheck-up нима зарур?
Соғлиқдан шикоят йўқ бўлса, эҳтимол, шифокорга боришга ҳожат йўқ, деб ўйларсиз. Бироқ шуни унутмангки, кўп касалликлар белгиларсиз кечади. Бундан ташқари, касалликни ривожлантиришга олиб келиши мумкин бўлган кўплаб хавфли омиллар мавжуд: зарарли одатлардан то генетик мойилликкача (масалан: қандли диабет, кардиологик ёки онкологик касалликлардан азият чеккан қариндошлар бўлиши).
Шу муносабат билан Жаҳон соғлиқни сақлаш ташкилоти (ЖССТ) саломатликни муҳофаза қилиш мақсадида йилда камида бир марта диагностик таҳлилдан ўтишни тавсия қилади.
Шифокорлар 30 ёшдан ошган аёлларга мунтазам равишда гинеколог кўригидан ўтиш ва кўкрак саратони скринингига тушишни маслаҳат беришади. 40 ёшда бу рўйхатга маммография қўшилади, 50 ёшдан кейин йўғон ичак саратони учун колоноскопиядан текширувидан ўтиб туриш керак бўлади. 50 ёшдан ошган эркакларга, ҳатто шикоят бўлмаган тақдирда ҳам, мунтазам равишда қон таҳлили топшириш ва простата саратонидан ҳимояланиш учун мутахассис кўригидан ўтиш тавсия қилинади. Улар ҳам колоноскопия текширувидан ўтиши мақсадга мувофиқдир.
