Фото: Reuters
Мисрда жангарилар христианлар автобусига ўт очди, ҳужум оқибатида ҳалок бўлганлар сони 20 нафардан ошиқ, шунингдек, 25 киши жароҳатланган.
Al-Yawm al-Sabi сайтида тиббиёт ходимларига асосланиб ёзилишича эса ҳужум қурбонлари сони 24 нафар, яна 26 киши жароҳатланган.
Коптларга ҳужум Қоҳирадан 250 км масофадаги Ал-Минья шаҳрида рўй берган, бу вақтда автобус Муқаддас Самуил монастирига томон ҳаракатланаётганди.
Youm7 портали маълумотига кўра эса автобус Бени-Суэйф вилоятидан Ал-Миньяга қайтаётганди.
Рейтер агентлиги Ал-Минья губернаторига асосланиб хабар беришича, қурбонлар сони 23 нафар, 25 киши жароҳатланган.
Ҳозирча ҳужум қилувчи томон ҳақида аниқ маълумот йўқ.
