Ҳафта давомида кутилаётган об-ҳаво билан иқлимшунос Эркин Абдулаҳатов таништиради.
Қишлоқ хўжалигига таъсир. Илиқ ва қуруқ кунлар ҳосилни йиғиштириш, кузги дала ишлари ва буғдой майдонларини парваришлаш учун қулайлик келтиради. 4–5 ноябр кунлари айрим ҳудудларда кутилаётган ёмғир тупроқ намлигини бироз тўлдириши мумкин. Баланд тоғлардаги қор эса қишки сув захиралари шаклланиши учун муҳим табиий омиллардан биридир. Шу билан бирга, ёғинли кунларда дала ишларини маҳаллий об-ҳавога мослаштириш лозим.
Саломатлик ва ҳаво сифати. Кундузги илиқлик ва нисбатан салқин тонглар ўртасидаги ҳарорат фарқи тегишлича кийинишни талаб қилади. Айниқса, болалар, кексалар ва сурункали касалликлари бор кишилар эрталабки салқинни инобатга олиши керак. Йирик шаҳарларда шамолнинг сусайиши ва тунги инверсия PM2.5 майда заррачаларининг тўпланишига шароит яратиши мумкин. Шу боис ҳаво сифатини кузатиб бориш, очиқ ҳаводаги жисмоний фаолликни чеклаш мақсадга мувофиқдир.
Умуман, илиқ ноябр кунлари деҳқон учун дала ишларини давом эттириш имконияти, шаҳар аҳолиси учун эса ҳаво сифатига эътиборни сусайтирмаслик заруратидир.
