Флойд Мэйуэзер Россия фуқаролигини олиш истагини билдирди

Америкалик машҳур боксчи Флойд Мэйуэзер “Россия 24” телеканалига берган интервьюсида Россия фуқаролигини олиш истаги борлигини айтди. 

Мэйуэзернинг айтишича, у Россия фуқаролигини олишни сабрсизлик билан кутмоқда. “Бугун менда Россиядаги янги уйим бўлиши мумкин бўлган уй-жой кўриш имкони бўлди, бироқ ҳаммасига вақт керак”, деб айтган боксчи.

Унинг таъкидлашича, Россияда уни девелоперлик ва банк бизнеслари қизиқтиради. “Мен Россияда бизнес олиб бориш, россиялик бизнесменлар билан ҳамкор бўлиш имкони, шу жумладан банк бизнесига инвестициялар бўйича музокаралар олиб бормоқдаман”, деб айтган Флойд.