Telegram iOS-смартфонлар учун муқобил версиясини ишлаб чиқарди — Telegram X

Telegram мессенжери жамоаси iOS базасидаги смартфонлар учун Telegram X муқобил иловасини ишлаб чиқарди. Янгиланишлар орасида — тўқ рангли мавзу, Swift'га кўчирилган манба коди ва энергосамарадорлик.  

App Store дўкони асосчиси ҳақидаги маълумот илова ҳақиқатда ҳам Telegram жамоаси томонидан ишлаб чиқилганидан далолат бермоқда. Илова Telegram Messenger LLP компанияси томонидан тақдим этилган — худди шу компания мессенжернинг десктоп версиясини App Store'да, Android учун илова версиясини эса Google Play'да тақдим этади. 

Блогер Илья Казаков мессенжернинг қўллаб-қувватлаш маркази билан ёзишмаларнинг скриншотини тақдим этди, унда янги илованинг расмий мақоми тасдиқланган.

Илова App Store'да худди шундай ID билан дўконда тақдим этилган Telegram HD номи остидаги iPad учун мижоз ўрнини эгаллади. 

Янги илова iPhone ва iPad'да ишлайди. Тавсифда Telegram X ишлаб чиқувчилари унинг тўлиқ Swift дастурлаш тилида ёзилганини, мессенжер учун тўқ рангли мавзуни ўрнатиш имконини беришини ва асосий версиядан тезроқ ишлашини таъкидлашмоқда.