Улкан кобра ва бўғма илоннинг олишуви иккиси учун ҳам аянчли якунланди (фото)

Дунёдаги энг йирик заҳарли илон – қирол кобрасининг энг йирик илон – бўғма илон билан олишуви иккиси учун ҳам аянчли якунланди. Олишувда илонлардан ҳеч бири омон қолмади. Ушбу олишувнинг аянчли якуни тасвирланган сурат ижтимоий тармоқларда жадал тарқалди.

Ушбу сурат Imgur порталида жойлаштирилган. Сурат муаллифининг айтишича, у Жануби-Шарқий Осиёда олинган. Сурат 250 мингдан кўпроқ марта томоша қилинган ва 7 мингдан кўпроқ “лайк” тўплаган. Суратга изоҳ берганларни нафақат ўлик илонлар, балки атрофдаги чиқиндилар ҳам ҳайратга солган.

“Кўп табиат ва кўп пластик. Замонавий ҳаёт афсуски шундай”, деб айтган фойдаланувчилардан бири.

“Менга шу ерга бормаслигим учун унинг аниқ манзили керак”, деб ҳазил қилган яна бир фойдаланувчи.