Harley-Davidson компанияси 1,5 йил ичида ўзининг илк серияли электромотоциклини ишлаб чиқармоқчи. Бу ҳақда Bloomberg ахборот агентлиги хабар бермоқда.
АҚШ компанияси электромотоцикл яратиш устида анчадан бери ишламоқда. Компания 2014 йилда LiveWire электромотоцикли прототипини кўрсатганди. Мотоциклл 100 км/соат тезликка 4 сониядан камроқ вақтда эриша олган, юриш захираси 90 км га яқинни ташкил қилган. Ўшандан бери анча вақт ўтди ва компаниянинг янги электромотоцикли яхшироқ кўрсаткичларга эга бўлиши тахмин қилинмоқда.
Электромотоцикллар баъзи компаниялар томондан ишлаб чиқарилмоқда. Ушбу мотоцикллар бозори ҳозирча катта эмас, бироқ TechNavio фирмаси тадқиқотига кўра, 2020 йилгача умумий мотоцикллар бозорининг 45 фоизгачасини эгаллаши мумкин.