Ўзбекистон Форс кўрфази давлатларига қандолат маҳсулотларини экспорт қилади

Ўзбекистон компаниялари биринчи марта ўз маҳсулотларини Дубай (БАА)даги Gulfood 2018 озиқ-овқат саноати кўргазмасида намойиш этди. Бу ҳақда «Жаҳон» АА хабар берди. Тадбир 17 февралдан 21 февралгача Дубайдаги Жаҳон савдо марказида бўлиб ўтди.

Миллий стенд Ўзбекистоннинг БААдаги элчихонаси (Абу Даби) ва Дубайдаги бош консуллик томонидан Ўзбекистон фуқароси муассиси саналган маҳаллий компания кўмагида ташкил этилди.

Кўргазма доирасида республика вакиллари Бирлашган Араб Амирликлари, Уммон, Саудия Арабистони ва Форс кўрфазининг бошқа давлатлари билан музокаралар ўтказди. Ўзбекистондан қандолат маҳсулотларини араб дунёси давлатларига етказиб бериш бўйича келишувга эришилди.