Миллий статистика қўмитаси маълумотларига кўра, жорий йилнинг дастлабки етти ойида Ўзбекистон экспортида энг юқори улуш Россия ҳиссасига тўғри келган — ушбу мамлакатга 2,8 млрд долларлик маҳсулот экспорт қилинган.
Кейинги ўринларни Хитой — 1,7 млрд доллар ва Афғонистон — 1,1 млрд доллар билан эгаллаган.
Шунингдек, Қозоғистонга 868 млн доллар, Францияга 854,9 млн доллар, Ҳонгконгга 716 млн долларлик маҳсулот экспорт қилинган.
Туркияга экспорт ҳажми 596,2 млн долларни, Қирғизистонга — 575,8 млн долларни, Тожикистонга — 437,5 млн долларни ва Бирлашган Араб Амирликларига — 420,8 млн долларни ташкил этган.
Қайд этилишича, ушбу ўнта давлатнинг Ўзбекистон умумий экспортидаги улуши 50 фоиздан ортиқ бўлган.
