Оқ уй: АҚШ ўз ҳарбийларини Суриядан тезроқ ортга қайтармоқчи

Фото: AP/ Hussein Malla

АҚШ ҳамон америкалик ҳарбий хизматчиларни Суриядан ўз ватанига тезроқ қайтаришни мўлжалламоқда. Бу ҳақда РИА «Новости» Оқ уй матбуот котиби Сара Сандерсга асосан хабар берди.

«АҚШ миссияси вазифалари ўзгармаган – президент АҚШ кучлари имкон қадар тезроқ уйга қайтишини хоҳлаётгани ҳақида аниқ тушунча берди. Биз ИШИДни бутунлай мағлуб этиш ҳамда унинг яна пайдо бўлишига халақит берувчи шароитларни яратишга қатъий бел боғлаганмиз», - дейилади баёнотда.

Унинг сўзларига кўра, Америка томони ҳамкорлар ва минтақадаги иттифоқчилар Сурия ҳудудида ҳам ҳарбий, ҳам молиявий жиҳатдан хавфсизликни таъминлаш бўйича ўзига катта масъулиятни олишига умид қилмоқда.

Тайёрлаган Отабек Матназаров

#АҚШ #Сурия

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.