Япония КХДРга иқтисодий ёрдам кўрсатиш учун ўз шартини айтди

Фото: Reuters /Issei Kato

Япония ТИВ раҳбари Таро Кононинг маълум қилишича, Токио Пхеньянга иқтисодий ёрдам кўрсатишга тайёр, фақат у ракета ва ядро дастури муаммосини комплекс ҳал қилиши лозим. Бу ҳақда РИА «Новости» хабар бермоқда.

Унинг сўзларига кўра, Япония КХДР билан дипломатик муносабатлар яхшиланишига тайёр, бу ҳам Корея ярим ороли бутунлай ядросизланганидан сўнг юз беради.

Шунингдек, унинг қўшимча қилишича, АҚШга 6 июнь куни йўл олиб, Америка президенти Дональд Трампнинг Шимолий Корея етакчиси Ким Чен Ин билан учрашуви туфайли «япон-америка икки томонлама кун тартиби масалаларини аниқлаштириб олмоқчи».

Эслатиб ўтамиз, аввалроқ Путин Ким Чен Инга таклиф билан чиққани хабар берилганди.