Трамп Air Force One бортида CNN трансляциясини кўриб, қаттиқ ғазабланган - ОАВ

Фото: depositphotos

АҚШ президенти Дональд Трамп Air Force One самолёти бортида CNN телеканали трансляциясини кўриб, дарғазаб бўлди, деб ёзмоқда The New York Times газетаси.

Ҳодиса Дональд ва Меланья Трампнинг хорижий ташрифларидан бирида юз берган, дея аниқлик киритади газета. АҚШнинг биринчи хоними одатда томоша қиладиган телевизор CNN трансляциясига созланган бўлган.

Таъкидланишича, Трамп ҳар бир сафарда бошқа телеканал - Fox трансляция қилишига оид қоида бузилгани учун ўз ходимларидан ғазабланган. NYT’нинг эслатишича, Трамп Fox’ни маъқул кўради, CNN’ни эса «fake news» деб атайди. Газетанинг таъкидлашича, бу ўз навбатида Air Force One бортида «бир қадар тушунмовчиликни» келтириб чиқарди.

Америкалик амалдорларнинг ўзаро ёзишмасида билдирилишича, биринчи рақамли бортда телевизорлар бундан кейин Fox телеканалига созланган бўлади, бу «стандарт операцион жараёнга» айланади.