«Ўзбектелеком»да ўзгаришлар. Аввалги бош директор яна раҳбар этиб тайинланди

2018 йил 8 август куни «Ўзбектелеком» АК раҳбариятида қатор лавозим тайинловлари амалга оширилди. Бу ҳақда компания матбуот хизмати хабар бермоқда. 

Компания раҳбари этиб аввал ҳам бош директор лавозимида фаолият юритган Шуҳрат Қодиров тайинланди. 

2018 йилнинг февраль ойидан августигача бош директор лавозимини эгаллаган Фарҳод Рўзиев компаниянинг тижорат директори лавозимига ўтказилди.

Бундан ташқари, Жамол Мақсудов Евгений Маркинг ўрнига Истиқболли ривожлантириш ва инновациялар бўйича директор лавозимига тайинланди.

Қодиров биринчи марта 2016 йилда компаниянинг раҳбари лавозимини эгаллаган, ўшанда у 2013 йилдан «Ўзбектелеком»га раҳбарлик қилиб келган Абдурашид Абдумўминов ўрнида иш бошлади. Бундан олдин Қодиров Uzdigital TV ва UZMOBILE’ни турли йилларда бошқарган.